無意之間喺知乎度睇到條問題『你喜欢黄子华的哪条金句？』。呢段時間自己一個人喺出邊生活好無聊，因此重溫咗好多子華嘅棟篤笑，寫埋落嚟打發無聊時間。
兒童不宜
- 以下係英文翻譯：Ladies and gentlemen, if you can understand English only, S-O-R-R-Y.
- 所以，有時我哋叫冚家剷作乜嘢？冚家富貴。
- 點解要俾你投胎呀？我躉樓未供完啊。
- 你喺黃埔住最大嘅好處係咩呀？你好容易知道邊個係自己友嘅。即如果你唔係誠哥嘅人，你個電話係收唔清嘅。
- 而事實上又有乜嘢係快樂得過，你明知道聽日要返工，而你聽到天文台講：現時三號風球現正懸掛，颱風馮馮正在逐步逼近本港，稍後可能會懸掛八號風球。你即刻會變成咗一個馬迷係咩？八號！八號！八號！八號！果然，凌晨兩點鐘，颱風馮馮正式成為八號。你第一時間就打電話俾你老友阿堅、阿強同埋阿祥，你啱啱攞起個電話啫，門鐘就響起，你一開門，就係阿堅、阿強同埋阿祥。開枱！快樂！無比嘅快樂係咪？凌晨六點鐘，所有風球除下。
- 呢個世界唔好話唔可能！喇呢句說話我係贊同嘅，各位，呢個世界冇嘢係唔可能，不過喺呢一個薪酬呢，就幾唔可能。
- 甘生，我為咗呢份工，我係可以鞠躬盡瘁，死而後已，不過當時我係用英文講，大家都知道，真心說話，用外語講，真心好多呀。Mr. Kam, I am going to try so hard, I die. 阿唔係唔係唔係，死而後已翻譯：I die afterwards.
- 咁當時我同甘生講我可以鞠躬盡瘁死而後已，甘生點樣答覆我呢？甘生就話喇，我哋喺呢個階段大家唔需要承諾太多嘢。我當時心諗如果每個女仔好似佢咁冷靜，我呢世都無運行。亞 Mary 我真係好愛你我永遠都愛你我永遠永遠都愛你。 — — Mary：喺呢個階段大家唔需要承諾太多。
- 即人哋明明係出千，你同佢講：等錢使點解唔試下申請綜援呢？
- 所以嚴格上嚟講，你每個月抵俾我嗰份，唔係糧，係賠償。有乜嘢分別？分別就係：你出糧比我，我要多謝你；你俾賠償比我，你要加多聲：對唔住。
- 冇錯，你係你呢套戲嘅主角，問題係，你呢套戲嘅戲名係叫做『茄喱啡的一生』。
- 譬如大家都知喇，我哋廣東人最勁嘅嗰六個字嘅啦：『登2登5登2登2登3登1』，你知啦。咁我會聽到咪呢？即我係會直接將啲轉作譬如係：『請你好好放低』咁樣，所以我冇問題㗎。
- 茄喱啡做感情戲嘅特點係乜嘢？冇感情囉；茄喱啡做動作戲嘅賣點係咩？冇動作囉。
- 船到橋頭自然直喇，但係撞到冰山特別彎。
- 步飛不妨食過份，出貓唔好太高分。
- 『我好鍾意返工呀』，你話唔係鬼上身點講得出呢句說話。
- 你去馬檻，你只不過係一個嫖客。你爆馬檻，你就係阿爾蓋達。
- 化妝就係，你落咗妝我重認得你就叫做化妝。你落咗妝我唔認得你，嗰啲叫做喬裝。
- 新嘅一代男士呢講究嘅係三不嘅主義，第一，我哋係不主動；第二，我哋係不抗拒；第三，最緊要，我哋係不負責嘅。
- 各位，男人唔係不主動，係成日都蠢蠢欲動；唔係不抗拒，係不能抗拒。我哋唯一比較可以做得到即係不負責。
- 所謂談情說愛好多時候同綁票勒贖根本係冇分別嘅，即係『你能夠乖乖的留返喺度唔係無事囉？你做乜要逼我咋？我都唔想啦！』
- — — 子華：有乜嘢係冇拗撬？乜嘢都有拗撬！ — — 觀眾：回水！ — — 子華：回水，有冇人係唔同意？全場同意係咪？ — — 觀眾：係！ — — 子華：最重要嗰人（指向自己）同唔同意？點會冇拗撬呢？
洗燥（unfinished）
- 做人冇公關，食屎架啦。
- 咁斯文敗類嘅相反詞係咪呢？麻甩君子阿。
- 有好多人係唔知道，飲水都係一種表演嚟㗎。
- 陳茂波個老婆去殺人呀？佢夠膽開劏房啫，唔通夠膽劏人？
- 到時唔係你話你有錢入得嚟嘅，入得嚟嘅，一定係要唔夠錢使，因為只有呢啲觀眾先至有最大嘅熱情，嗌回水。
- 如果你能夠去到卡拉OK埋單嘅時候第一個企起身：『哎，大家唔好爭』，然後睇都唔睇張單攞張黑卡出嚟，OK，就咁掉落出去：『唔使找啦』，呢一啲就叫做花天酒地。如果你每一次埋單都要鏖醒你哋朋友：『唔好扮嘢呀！重差一份嗱！』，呢啲就唔係叫做花天酒地，呢啲係叫做呼天搶地。
- 點為之慰爆自己呢，各位。好簡單：冇頭髮，去洗頭；屋企冇掟方行架啦，買啲家私添；冇車位，買部車。
- 我計劃買部車計劃咗三年喇當年，無論我點計，計點我論無，計無我論點，我都計唔掂。
